Өрх бүр хүнсээ базаая!
“720“ гэдэг нь сумын төвийн айл өрхүүд 360 хоногийн турш
өдөр бүр гал тогооныхоо ширээн дээр
өөрийн хашаандаа ургуулж бэлтгэсэн
2 кг ногоо тариа, жимс жимсгэнэ болон бусад хүнсээр
амтат хоол хийж зооглон суухын нэр томъёолол болно.
“АМЬДРАХ УХААНЫ ХИЧЭЭЛ”
(АГРО Клуб)
“Square Foot Gardening” – өрхийн бичил тариаланд яг таг тохирсон арга технологи болой. Энэ сэдэв Америкт бүр моодонд орсон бөгөөд эрүүл, эко хүнс бэлтгэх нь хүмүүсийн чөлөөт цагаа үр өгөөжтэй өнгөрөөх нэгэн хобби болж байна. Төрөл бүрийн вебсайтын тоо ч мөн тоймгүй их болжээ. Мөн хүүхдүүд өвөө эмээ нартайгаа хамтраад өчнөөн их зүйл хийж болохыг харуулж байна.
“720” хөтөлбөр нь АНУ-ын Юта мужийн “Квадрат футын тариалан“-гийн нийгэмлэг (“Square Foot Gardening” Society) -ийн үйл ажиллагаа, мөн уул аргачлалыг санаачлан зохиосон инженер Мел Бартоломьюгийн туршилт дээр үндэслэж буй бөгөөд Монгол орны өвөрмөц нөхцөл байдалд тааруулах тохиргооны ажил эдүгээ үргэлжлэн хийгдэж байгаа болно.
Өрхийн тариалан дэмжих “ҮРСЛЭГ” төвөөс энэхүү “квадрат футын тариалан” гэсэн аргачлалыг “квадрат метрийн” хэмжүүрт шилжүүлэх ажил хийгдсэнээр ашиглаж хэрэглэхэд ихэд хялбар болчихсон байгаа билээ. Гэхдээ одоогоор орчуулж хэвлүүлсэн материал бараг байхгүйтэй адил буюу. Тиймээс, шинэ технологийн тухай нарийн ширийн бүх мэдээллийг интернетээс л авах болж байна.
Танилцуулга материалыг гүйцэд сайн ойлгож унших зорилгоор сумын төвийн айл өрхүүд англи хэлд шамдан суралцах учиртай болж байгаа тул хэл сурах нь амьжиргааг дээшлүүлэх тэргүүн зэрэглэлийн хэрэглэгдэхүүн болон хувирчээ гэхэд хэлсдэхгүй.
Энэхүү ярилцлагад тус нийгэмлэгийн тэргүүн Стив Бартоломью өөрийн байгууллагын үйл ажиллагааг танилцуулж улмаар сургуулийн хичээлийн программд хэрхэн оруулж хүүхдүүдийг бүр багаас нь ажил хөдөлмөрт сонирхолтой, зундаа хийх юмтай болгож буй тухай танилцуулж байна.
(a) Талбайн тохижилтыг төлөвлөх (б) ногооны бүх агротехнологийг харуулсан 5 төрлийн программ хийгджээ.
Тэдгээрийн нэг нь – маш их боломж агуулсан, бичил тариалангийн төсөөллийг дээд зэргээр өгөх юм.
Энэ вебсайтад
250 төрөл зүйл
хүнсний ногоо, жимс жимсгэнэ, амтлагч ургамал ба цэцэгсийн талбайд эзлэх зайг тооцолон гаргах программ байгаа. Туршилтын 7 хоногт үнэгүй хэрэглэж болно.
